Ngaa Pooro Piangaungau

Ka tuupono a whaea Mataira i teetahi miihini hoko pooro piangaungau i a ia i te taone me aana maahanga. Ka piirangi ngaa maahanga i teetahi piangaungau, aa, kia rite tonu te kara. He kahurangi, aa, he koowhai ngaa piangaungau i roto i te miihini. E rima tekau heeneti te utu moo ia piangaungau. E hia te nui o te utu me whakapau e whaea Mataira kia rite tonu te kara o ngaa piangaungau?

Ao ake te raa, ka kite a whaea Mataira i teetahi atu miihini hoko pooro piangaungau. E toru ngaa kara o ngaa piangaungau, he kahurangi, he koowhai, aa, he whero. He aha te nui o te moni me whakapau e whaea Mataira?

Anei a Paa Mete me aana tamariki e toru e tuupono ana i te miihini hoko pooro piangaungau. E toru ngaa kara o ngaa piangaungau. Mehemea e hiahia aana tamariki i te piangaungau kia oorite te kara, e hia te nui o te utu maana?